MOHARRAM-UL-HARAM PART : 14

*MOHARRAM-UL-HARAM PART 14* =========================== yazeed ko jab is baat ka pata chala ke IMAM HUSSAIN RADI ALLAHU TA'ALA ANHU ne meri bait nahi ki to wo bhadak utha aur usne aamile MADEENA ko hukm bheja ke IMAM HUSSAIN RADI ALLAHU TA'ALA ANHU ko meri bait per majboor karo warna unka sir kaat kar mere pass bhej do . IMAM HUSSAIN RADI ALLAHU TA`ALA ANHU ko jab is yazeedi hukm ka pata chala to aapne MADEENA MUNAWWARA ki suqoonat tarq farmakar MAKKA MUA`AZZAMA chale jane ka irada kar liya. MADEENA MUAWWARA se rawangi se paihle raat ko NANA JAAN HUZOOR SARWARE ALAM SALLALLAHU TA`ALA ALAIHI WA SALLAM ke MAZAAR-A-ANWAR per hazir hue aur ro rokar arze haal karne lage. fir ROZA-A-ANWAR se lipat kar wahi so gye . khuwaab me dekha ke NANA JAAN tashreef laye hai . aapne IMAM HUSSAIN RADI ALLAHU TA'ALA ANHU ko chuma aur SINE AQDAS se laga liya aur farmaya: beta HUSSAIN ankareeb zalim tujhe karbala me bhuka pyasa shaheed kar denge. tere ma-baap aur bhai tere intezaar me hai aur bahisht tere liye sajayi ja rahi hai . usme aise darjaate aaliya hai jo shaheed hue bagair tujhe nahi mil sakte . jao beta sabr wa shukr se jaam-A- SHAHADAT peekar mere pass aa jao . IMAM HUSSAIN RADI ALLAHU TA`ALA ANHU ye khuwaab dekhkar ghar aye. AHLE BAIT ko jama karke ye khuwaab sunaya aur MADEENA se MAKKA jane ka pakka irada kar liya . aur fir apne biraadare buzurg HAZRAT IMAM HASAN RADI ALLAHU TA`ALA ANHU ke mazzar per hazir hue aur kalimaate rukhsat zabaan per laye aur fir maa ki kabre ANWAR per hazir hue aur arz kiya . "A AMMA JAAN" ye naazo ka pala tumhara HUSSAIN aaj tumse juda hone aya hai aur akhri salam arz karta hai. KABR-A-ANWAR se awaaz ayi: WA ALLAIKUM AS SALAM A mazloom (jis per zulm ho ) aap waha kuch dair rote rahe aur fir wapas tashreef laye aur MAKKA MUA`AZZAMA ko rawana ho gye . (TAZKEERA-A-HUSSAIN safa 27 sacchi hiqayat hissa doyam bab 6 page no 355.356) SABAK ====== HAZRAT IMAM HUSSAIN RADI ALLAHU TA'ALA ANHU ki shahdat ka khud IMAM HUSSAIN RADI ALLAHU TA`ALA ANHU ko ilm tha. ye aap hi ki shaan hai ilm ke bawjood zarra barabar bhi aapke kadam nahi dagmagate aur shaoq-a-shahadat me kami nahi ati. jazba-a-jaan nisaari aur bhi ziyadah hi hota hai . IMAM HUSSAIN RADI ALLAHU TA`ALA ANHU ne apni siraat pak se bata diya ki talib-A-RAZA-A-HAQ MAOLA ki marzi per fida hota hai. isi me uske dil ka chain aur uski haqiqi tasalli hai. kabhi waihshat wa pareshani uske pass nahi fatakti balki wo intezaar ki ghadiya shaoq ke saath guzarta hai. aur waqt muqarara ka baichaini se intezaar karta hai. To be continued........... *Insha Allah. plz sher to all sunni muslim and all islamic groups fb and whatsappand...upardi gayi image me padhkar teen baar duurud awwal akhir sura e ikhlash padhkar sarkar e madina sallalahu alayhi wasallam ki bargah mearz kare or unke sadke tufel hazar imamhusen radiallahu taala anhu ki bargah me arz KARE JAZAKALLAH..*